កាលពីថ្ងៃពុធ ធនាគារកណ្តាលសហរដ្ឋអាមេរិកបានប្រកាសថា ខ្លួននឹងរក្សាអត្រាការប្រាក់មិនផ្លាស់ប្តូរ ស្របតាមការរំពឹងទុករបស់ទីផ្សារ។ ភាគហ៊ុនរបស់សហរដ្ឋអាមេរិកបានកើនឡើងខ្ពស់នៅក្នុងការជួញដូរក្រោយពាក់កណ្តាលថ្ងៃ ដោយអារម្មណ៍ត្រូវបានជំរុញដោយការអត្ថាធិប្បាយពីប្រធានធនាគារកណ្តាល លោក Jerome Powell ដែលកំណត់ដំណាក់កាលសម្រាប់ការកាត់បន្ថយអត្រាការប្រាក់នៅក្នុងខែកញ្ញា។ លោក Powell បាននិយាយថា "Fed មិនទាន់បានធ្វើការសម្រេចចិត្តណាមួយទាក់ទងនឹងកិច្ចប្រជុំនាពេលខាងមុខ រួមទាំងកិច្ចប្រជុំខែកញ្ញា" ប៉ុន្តែបានកត់សម្គាល់ថា "ទិដ្ឋភាពទូទៅរបស់គណៈកម្មាធិការគឺថាសេដ្ឋកិច្ចកំពុងខិតជិតដល់កម្រិតដែលសមរម្យសម្រាប់ការបន្ថយអត្រាគោលនយោបាយ"។ ការប្រែប្រួលក្នុងទីផ្សារ - ទីផ្សារបានប្រតិកម្មជាវិជ្ជមានចំពោះការអត្ថាធិប្បាយរបស់ Powell ដោយ S&P, Dow Jones និង Nasdaq ខ្ពស់ទាំងអស់នៅពេលបិទគឺកើនឡើង 1.58%, 0.24% និង 2.64% រៀងគ្នា។ ទីផ្សារគ្រីបតូ (Crypto Market) បានធ្លាក់ចុះ - យោងតាមទិន្នន័យ BitTweet បានបង្ហាញថា Bitcoin បានកើនឡើងដល់ $66,830 បន្ទាប់ពីការអត្ថាធិប្បាយរបស់លោក Powell ប៉ុន្ដែបានជួបប្រទះជាមួយការ Short យ៉ាងខ្លាំងដែលបានបណ្ដាលឱ្យមានការធ្លាក់ចុះមកវិញនៅតំបន់គាំទ្រ (Support) នៅតម្លៃ $64,500 ធ្លាក់ចុះជាង 2% ក្នុងរយៈពេល 24 ម៉ោងកន្លងមកនេះ។ នៅពេលសារព័ត៌មាន BTC កំពុងជួញដូរនៅ $64,643 ធ្លាក់ចុះ 2.5% ក្នុងរយៈពេល 24 ម៉ោង។

ការប្រែប្រួលជាសក្តានុពលរបស់ BTC និងមាស - លោក Jag Kooner ប្រធានផ្នែកនិស្សន្ទវត្ថុនៅក្រុមហ៊ុន Bitfinex បាននិយាយនៅក្នុងរបាយការណ៍មួយថា "ការកាត់បន្ថយអត្រាការប្រាក់នៅក្នុងខែកញ្ញានឹងបង្កើតឱ្យមានសុទិដ្ឋិនិយម ហើយជាទូទៅអាចបង្កើនសាច់ប្រាក់ងាយស្រួល (Liquidity) ដែលនឹងផ្តល់អត្ថប្រយោជន៍ដល់ Bitcoin និងរូបិយប័ណ្ណគ្រីបតូផ្សេងទៀត"។ - លោក Kooner បានបន្ថែមថា “មានទំនុកចិត្តច្រើននៅក្នុងទីផ្សារនាពេលបច្ចុប្បន្ន ជាពិសេសចាប់តាំងពីមានព័ត៌មានអវិជ្ជមានដែលមានសក្តានុពលដូចជា Mt. Gox បានផុតកំណត់ចេញពីសេវាកម្មហើយ។

- CryptoCon បាននិយាយថា "ទិន្នន័យបង្ហាញថា BTC និងមាសអាចមានការកើនឡើងក្នុងពេលដំណាលគ្នាបើមានស្ថានភាពសេដ្ឋកិច្ចដែលសមរម្យពោលគឺការកាត់បន្ថយអត្រាការប្រាក់នៅខែកញ្ញា"។ - CryptoCon បានចេញឯកសារនៅលើវេទិកា X ដោយនិយាយថា៖ "ទីផ្សារ Bitcoin នឹងចាប់ផ្តើម Bull Market នៅពេលដែលទីផ្សារមាសបានចាប់ផ្តើមក្លាយជា Bear Market ។” - ពាណិជ្ជករ Crypto គួរតែប្រយ័ត្នចំពោះការផ្លាស់ប្តូរនៅពេលតម្លៃមាសឡើងថ្លៃដល់ចំណុចកំពូល ហើយចាប់ផ្តើមធ្លាក់ចុះនោះនឹងមានការប្រែប្រួលខ្លាំងនៅក្នុងទីគ្រីបតូ នេះបើយោងតាមការវិភាគពី CryptoCon។

សក្តានុពលដែលប៉ះពាល់ដល់តម្លៃ BTC អ្នកវិភាគនៅ wavetraders.com ជឿថា Bitcoin នឹងតាមទាន់មាសក្នុងរយៈពេលខ្លី ដោយសារ BTC មិនបានមានការប្រែប្រួលតម្លៃខ្លាំងក្នុងប៉ុន្មានខែថ្មីៗនេះ ខណៈដែលមាសបានឡើងដល់កម្រិតខ្ពស់ (all time high)។ អ្នកវិភាគនៅ Secure Digital Markets ជឿជាក់ថា៖ “បច្ចុប្បន្ន BTC ស្ថិតក្នុងទម្រង់ការពារ (មានការធ្លាក់ចុះ) ខណៈពេលដែលប្រាក់យ៉េនកំពុងឡើងថ្លៃនៅក្នុងទីផ្សារប្តូរប្រាក់បរទេស ដោយសារការដំឡើងអត្រាការប្រាក់របស់ធនាគារកណ្តាលជប៉ុន និងរបាយការណ៍លទ្ធផលការងាររបស់ក្រុមហ៊ុនបច្ចេកវិទ្យាធំៗរបស់សហរដ្ឋអាមេរិកនឹងត្រូវបានបញ្ជេញនៅក្នុងសប្តាហ៍នេះ ហើយ Trader ជាច្រើនកំពុងត្រៀមខ្លួនជាស្រេចជាមួយការប្រែប្រួលតម្លៃទីផ្សារតាមរយៈកត្តាខាងលើ” ។

រូបភាពបន្ថែម ៖

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap