នៅខែឧសភា 2021 Jatinder Singh បានព្យាយាមដាក់ប្រាក់ $65 ទៅក្នុងគណនី Crypto.com តែការដាក់ប្រាក់បានបរាជ័យដោយសារតែព័ត៌មានគណនីប្តូរប្រាក់មិនត្រឹមត្រូវហើយគាត់ក៏ស្នើរសុំការ Refund ប៉ុន្ដែបុគ្គលិក Crypto.com បានច្រឡំផ្ទេរប្រាក់ចំនួន 6.8 លានដុល្លារទៅគណនីធនាគាររបស់ Manivel ជំនួសឱ្យការសងប្រាក់វិញចំនួន $65។ បន្ទាប់ពីទទួលបានប្រាក់ដ៏ច្រើននេះ Singh និង Manivel មិនបានពិចារណាដើម្បីប្រគល់មូលនិធិវិញទេ ពួកគេបានទិញអចលនទ្រព្យចំនួន 2 និងដី 2 កន្លែងនៅទីក្រុង Melbourne ប្រទេសអូស្ត្រាលី។ លើសពីនេះ ពួកគេបានផ្តល់ប្រាក់ $650,000 ជូនមិត្តភក្តិ។ បន្ទាប់ពី 7 ខែក្រោយមក Crypto.com បានរកឃើញបញ្ហានេះក្នុងកំឡុងពេលធ្វើសវនកម្មផ្ទៃក្នុង ហើយបានទាក់ទងទៅធនាគារ Commonwealth Bank of Australia ដើម្បីស្នើឱ្យ Singhs ប្រគល់មូលនិធិមកវិញ។ Manivel គិតថាសំណើរទៅប្រគល់មូលនិធិវិញគឺជាការហៅបោកប្រាស់ ដូច្នេះមិនបានប្រគល់មូលនិធិវិញទេ។ រហូតដល់ខែមីនា 2022 Manivel ត្រូវបានចាប់ខ្លួនពេលកំពុងឡើងយន្តហោះទៅប្រទេសម៉ាឡេស៊ី ហើយត្រូវបានកាត់ទោសឱ្យជាប់គុក 209 ថ្ងៃ និងតម្រូវឱ្យឆ្លងកាត់ដីកាកែតម្រូវសហគមន៍រយៈពេល 18 ខែ។ កាលពីម្សិលមិញ ថ្ងៃទី2 ខែសីហា ប្តីប្រពន្ធ Singh បានសារភាពកំហុសដោយទទួលស្គាល់ថាពួកគេបានលួចលុយចំនួន 4.42 លានដុល្លារ ហើយនឹងត្រូវកាត់ទោសដោយតុលាការនៅចុងខែនេះ។ Crypto.com បានទទួលមូលនិធិមួយចំនួនវិញ ប៉ុន្តែចំនួនជាក់លាក់មិនត្រូវបានបង្ហាញ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap