កាលពីយប់ម្សិលមិញ ក្រសួងការងារសហរដ្ឋអាមេរិកបានប្រកាសទិន្នន័យសម្រាប់សន្ទស្សន៍តម្លៃអតិថិជន (CPI) ដែលបង្ហាញថាតម្លៃទំនិញបានធ្លាក់ចុះដល់កម្រិតទាបបំផុតក្នុងរយៈពេល 3 ឆ្នាំចុងក្រោយ។ ទោះបីមានដំណឹងល្អអំពីការប្រាក់កម្ចីតាមក៏ដោយ តែតម្លៃ Bitcoin និង Ethereum បានធ្លាក់ចុះខុសពីការរំពឹងទុក។

ផលប៉ះពាល់​ CPI ទៅលើទីផ្សារ CPI ដែលបានប្រកាសកាលពីយប់ម្សិលមិញបានបង្ហាញថា៖ អត្រាការកើនឡើងក្នុងកម្រិតតម្លៃប្រចាំឆ្នាំរបស់សហរដ្ឋអាមេរិកបានធ្លាក់ចុះដល់ 2.9% ក្នុងខែ កក្កដា ដែលទាបជាងការរំពឹងទុករបស់ទីផ្សារ។ នេះជាការប្រកាសល្អមួយដែលបានធ្វើឱ្យវិនិយោគិនរំពឹងថា Fed អាចនឹងបញ្ចេញវិធានការកាត់បន្ថយអត្រាការប្រាក់នៅក្នុងខែ កញ្ញាខាងមុខ។ ហេតុផលសំខាន់ៗដែលធ្វើឱ្យ Bitcoin និង Ethereum ធ្លាក់ចុះ មានហេតុផលមួយចំនួនដែលបានធ្វើឱ្យ Bitcoin និង Ethereum ធ្លាក់ចុះ ដោយសារវិនិយោគិនធំៗបានឆ្លៀតឱកាសសម្រេចចិត្តលក់មុនកាលវិភាគនៃការកាត់បន្ថយអត្រាការប្រាក់ ដើម្បីចំណេញពីស្ថានភាពទីផ្សារបច្ចុប្បន្ន។ ដូចទៅនឹងការប្រកាស់ Approve ទៅលើ Bitcoin ETF ("Buy the rumor, sell the news" )។ នេះអាចជាហេតុផលដែលធ្វើឱ្យតម្លៃរូបិយប័ណ្ណគ្រីបតូ (cryptocurrency) មិនកើនឡើងស្របតាមការរំពឹងទុកទេ។ ក្រោយការប្រកាស CPI Bitcoin បានឆ្លងកាត់តម្លៃ $61,839 ប៉ុន្តែបានធ្លាក់ចុះដល់ $58,441 ក្នុងពេលប៉ុន្មានម៉ោងប៉ុណ្ណោះ សម្រាប់ តម្លៃ Ethereum ក៏ធ្លាក់ចុះដែរ ដោយបានធ្លាក់ចុះក្រោម $2,700។

ហេតុផលដែលអាចកើតមានមួយទៀតគឺថា យោងទៅតាមការបង្ហោះរបស់ Arkham នៅលើ X ប្រហែលប្រាំបួនម៉ោងមុន អាស័យដ្ឋានមួយដែលត្រូវបានផ្សារភ្ជាប់ជាមួយនឹង "រដ្ឋាភិបាលសហរដ្ឋអាមេរិក" បានផ្ទេរ 10,000 BTC ទៅកាបូប Coinbase Prime កាលពីយប់មិញ ដែលហាក់ដូចជាកំពុងរៀបចំសម្រាប់ការលក់។ វាត្រូវបានគេយល់ថាកាបូបនោះបានទទួល 10,000 BTC ពីរដ្ឋាភិបាលសហរដ្ឋអាមេរិកកាលពីពីរសប្តាហ៍មុន ដែលជាផ្នែកមួយនៃមូលនិធិដែលរឹបអូសបាននៅក្នុងករណី "Siik Road"។

រូបភាពបន្ថែម ៖

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap