យោងតាមរបាយការណ៍ Cointelegraph ក្រុមហ៊ុន Tether ដែលជាអ្នកចេញ Stablecoin បានប្រកាសថាខ្លួនបានសហការយ៉ាងសកម្មជាមួយភ្នាក់ងារអនុវត្តច្បាប់ចំនួន ១៤៥ ជុំវិញពិភពលោក ដើម្បីបង្ក្រាបសកម្មភាពខុសច្បាប់ពាក់ព័ន្ធនឹងរូបិយប័ណ្ណគ្រីបតូ។ ចាប់តាំងពីឆ្នាំ ២០១៤ មក ក្រុមហ៊ុន Tether បានជួយអាជ្ញាធរអនុវត្តច្បាប់ក្នុងការប្រមូលបានចំនួនទឹកប្រាក់សរុបជាង 108.8 លានដុល្លារអាមេរិក ជា Tether (USDT) ដែលជាប់ពាក់ព័ន្ធនឹងសកម្មភាពខុសច្បាប់។ នាយកប្រតិបត្តិ Tether លោក Paolo Ardoini បានបញ្ជាក់ពីការប្តេជ្ញាចិត្តរបស់ក្រុមហ៊ុនក្នុងការគាំទ្រដល់ការអនុវត្តច្បាប់ ដើម្បីប្រយុទ្ធប្រឆាំងនឹងការប្រើប្រាស់រូបិយប័ណ្ណគ្រីបតូក្នុងសកម្មភាពខុសច្បាប់។ លោកបានបន្ថែមថា Tether បានទទួលជោគជ័យក្នុងការកំណត់អត្តសញ្ញាណ និងបង្កកកាបូប cryptocurrency ជាច្រើនដែលពាក់ព័ន្ធនឹងសកម្មភាពខុសច្បាប់នៅទូទាំងពិភពលោក។ សេចក្តីប្រកាសនេះបង្ហាញពីកិច្ចខិតខំប្រឹងប្រែងរបស់ Tether ក្នុងការធានាថា រូបិយប័ណ្ណគ្រីបតូរបស់ខ្លួនមិនត្រូវបានប្រើប្រាស់សម្រាប់គោលបំណងខុសច្បាប់ឡើយ។ ការសហការជាមួយអាជ្ញាធរអនុវត្តច្បាប់ គឺជាជំហានដ៏សំខាន់មួយក្នុងការកសាងទំនុកចិត្ត និងធានាបាននូវសុវត្ថិភាព និងតម្លាភាពនៅក្នុងទីផ្សាររូបិយប័ណ្ណគ្រីបតូ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap