នៅថ្ងៃទី 10 ខែកញ្ញា យោងតាម ambcrypto បានបង្ហាញថា Bitcoin (BTC) បានជម្រុងតម្លៃរបស់វាកើនឡើងក្នុងរយៈពេល 24 ម៉ោងចុងក្រោយនេះ ប៉ុន្តែវានៅតែកំពុងជួបការលំបាកក្រោមចំណុចសំខាន់នៅត្រង់តម្លៃ $60k។ ម្យ៉ាងវិញទៀតការកើនឡើងតម្លៃថ្មីៗនេះមិនបានជួយផ្លាស់ប្តូរអារម្មណ៍របស់ Miner ទៅលើ Bitcoin ឡើយដោយពួកគេនៅតែបន្តលក់ Bitcoin របស់ពួកគេ។ តើការលក់ចេញថ្មីៗរបស់ Miner នឹងជម្រុង BTC ចុះទៅរក $54k ម្តងទៀតទេ? យោងតាមការមើលរបស់ AMBCrypto លើទិន្នន័យរបស់ Glassnode សមតុល្យក្នុងកាបូប Miner បានធ្លាក់ចុះមក 1.8 លាន BTC។ នេះបង្ហាញថា Miner មិនរំពឹងថាតម្លៃ Bitcoin នឹងកើនឡើងបន្ថែមទៀតទេ។

បន្ទាប់មកយើងបានពិនិត្យមើលប្រាក់ចំណូលរបស់ Miner ដើម្បីស្វែងយល់ពីកត្តាដែលជំរុញឱ្យពួកគេលក់។ គួរឱ្យចាប់អារម្មណ៍ ប្រាក់ចំណូលរបស់ពួកគេក៏បានចុះបញ្ជីការធ្លាក់ចុះក្នុងពេលថ្មីៗនេះផងដែរ។

ការធ្លាក់ចុះនៃសមតុល្យ Miner និងប្រាក់ចំណូលក៏បានប៉ះពាល់ដល់អត្រា Hash របស់ blockchain ផងដែរ។ យោងតាមទិន្នន័យរបស់ Coinwarz អត្រា Hash របស់ BTC បានធ្លាក់ចុះក្នុងប៉ុន្មានថ្ងៃចុងក្រោយនេះ។ នៅពេលចេញផ្សាយ លេខនោះឈរនៅត្រឹម 712.57 EH/s។ តើតម្លៃ BTC នឹងរងផលប៉ះពាល់ទេ? មានភាគរយច្រើនដែលអាកប្បកិរិយាលក់របស់ Miner នេះនឹងប៉ះពាល់ដល់តម្លៃរបស់ BTC ដោយសារសម្ពាធលក់ជាទូទៅនាំឱ្យមានការធ្លាក់ចុះនូវតម្លៃ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap