នោថ្ងៃទី13 ខែវិច្ឆិកា ZetaChain បានប្រកាសជាផ្លូវការនូវកិច្ចសហប្រតិបត្តិការយុទ្ធសាស្ត្រជាមួយ Google Cloud ក្នុងគោលបំណងជំរុញការអភិវឌ្ឍនូវកម្មវិធី Bitcoin និង Blockchain នៅក្នុងពិភព Web3។ ក្រោមកិច្ចព្រមព្រៀងនេះ Google Cloud នឹងដើរតួនាទីសំខាន់ក្នុងការផ្តល់សេវាផ្ទៀងផ្ទាត់សម្រាប់បណ្តាញរបស់ ZetaChain ទាំងបណ្តាញ Mainnet និងបណ្តាញ Testnet ព្រមទាំងរួមចំណែកក្នុងការបង្កើតបណ្តាញផ្ទៀងផ្ទាត់វិមជ្ឈការដែលមានការចូលរួមពីស្ថាប័ននិងសហគមន៍នានា។ ភាពជាដៃគូនេះនឹងអនុញ្ញាតឱ្យអ្នកអភិវឌ្ឍន៍អាចទទួលបានអត្ថប្រយោជន៍ពី Google Cloud Protocol Accelerator ដូចជាការគ្រប់គ្រង Node កម្រិតសហគ្រាស បណ្តាញ Testnet និងសេវាកម្ម Data Indexing។ ដើម្បីលើកទឹកចិត្តដល់ការអភិវឌ្ឍប្រព័ន្ធអេកូ Web3 បន្ថែមទៀត ZetaChain បានប្រកាសថានឹងចែកចាយកាក់ ZETA ចំនួន 1 លានទៅកាន់ Node ចំនួន 5 ដែលដំណើរការនៅលើ Google Cloud។ លោក Brandon Truong អ្នករួមចំណែកស្នូលរបស់ ZetaChain បានលើកឡើងថា កិច្ចសហប្រតិបត្តិការនេះនឹងជួយឱ្យ Bitcoin អាចធ្វើអន្តរកម្មដោយផ្ទាល់ជាមួយកម្មវិធី dApps ដោយមិនចាំបាច់មានការភ្ជាប់បន្ថែម ដែលនេះជាជំហានថ្មីមួយក្នុងការជំរុញការប្រើប្រាស់ Bitcoin នៅក្នុងពិភព Web3។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap