Coinbase អាចនឹងភៀសខ្លួនចេញពីសហរដ្ឋអាមេរិក មក'ចុះបញ្ជីនៅហុងកុង'
CamboSwap
2023-06-12
419 View
នៅក្នុងបរិបទនៃគណៈកម្មការមូលបត្រអាមេរិក (SEC) ថ្មីៗនេះបានធ្វើការប្ដឹងទីផ្សារជួញដូររូបិយប័ណ្ណគ្រីបតូ Binance និង Coinbase។ តើ Coinbase ពិតជាចាកចេញពីសហរដ្ឋអាមេរិកមែនទេ? យើងបានដឹងថា Coinbase បានដើរថយក្រោយនៅទីផ្សារជួញដូររូបិយប័ណ្ណគ្រីបតូដទៃ ដោយសារតែបទប្បញ្ញត្តិច្បាប់។ លើសពីនេះCoinbase ត្រូវបានប្តឹងដោយ SEC នាពេលថ្មីៗនេះ។ នាយកប្រតិបត្តិ Coinbase លោក Brian Armstrong ក៏បាននិយាយនៅពាក់កណ្តាលខែមេសាថា ប្រសិនបើបទប្បញ្ញត្តិរបស់សហរដ្ឋអាមេរិកនៃឧស្សាហកម្មរូបិយប័ណ្ណគ្រីបតូនៅតែមិនមានតម្លាភាព និងច្បាស់លាស់គ្រប់គ្រាន់នោះ Coinbase អាចនឹងពិចារណាដកខ្លួនចេញពីសហរដ្ឋអាមេរិក។ សមាជិកក្រុមប្រឹក្សានីតិប្បញ្ញត្តិហុងកុង លោក Wu Jiezhuang មុននេះ បានផ្សព្វផ្សាយការអញ្ជើញទៅកាន់ទីផ្សារជួញដូររូបិយប័ណ្ណគ្រីបតូសកលលោកអាចមកបើកដំណើរការនៅទីក្រុងហុងកុង ហើយលោកបាននិយាយថា Coinbase ត្រូវបានស្វាគមន៍ក្នុងការដាក់ពាក្យសុំអាជ្ញាប័ណ្ណនៅទីនេះ។
