កាលពីថ្ងៃចន្ទ ទី12 រដ្ឋមន្ត្រីអេហ្ស៊ីប លោក Ali Moselhy បានលើកឡើងថា ប្រទេសអេហ្ស៊ីបគ្រោងនឹងផ្លាស់ប្តូររូបិយប័ណ្ណ ដុល្លារអាមេរិក ជាមួយរដ្ឋជាសមាជិកជាច្រើននៃប្លុកសេដ្ឋកិច្ច BRICS។ បន្ថែមពីនេះ ប្រទេសអេហ្ស៊ីបកំពុងអំពាវនាវឲ្យប្រើប្រាស់ រូបិយប័ណ្ណេនេះនៅក្នុងស្រុក ដើម្បីបង់ថ្លៃការនាំចូលប្រាក់អឺរ៉ុប ពីឥណ្ឌា ចិន និង រុស្ស៊ី ដែលជាប្រទេសសមាជិកសំខាន់ៗ នៃសហព័ន្ធ BRICS និងរាប់បញ្ចូលទាំង ប្រទេសប្រេស៊ីល និង អាហ្វ្រិកខាងត្បូងផងដែរ។ បច្ចុប្បន្ននេះ អេហ្ស៊ីបកំពុងព្យាយាមជំរុញសេដ្ឋកិច្ចដែលកំពុងជួបការលំបាករបស់ខ្លួន ដែលត្រូវបានអូសទាញដោយការធ្លាក់ចុះ នៃប្រាក់ចំណូលពីវិស័យទេសចរណ៍ និងការកើនឡើងនៃតម្លៃទំនិញ ព្រមទាំងបានជំរុញឱ្យអ្នកវិនិយោគបរទេសដកប្រាក់ប្រហែល 20 ពាន់លានដុល្លារចេញពីទីផ្សារហិរញ្ញវត្ថុរបស់ប្រទេសអេហ្ស៊ីប។ ហើយបើយោងតាមប្រភពព័ត៌មាន Bloomberg បានឲ្យដឹងថា មុននេះ លោក Moselhy បាននិយាយថា ឥណ្ឌាកំពុងផ្តល់ឲ្យ ប្រទេសអេហ្ស៊ីបនូវជំនួយឥណទានដែលមិនទាន់អាចកំណត់ទំហំជាក់លាក់ទេ។ ប៉ុន្តែ លោក Moselhy ក៏បានបដិសេធលើការលើកឡើងខាងលើនេះវិញ នៅក្នុងបទសម្ភាសន៍មួយទៀត ជាមួយនឹង Reuters។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap