វេទិកាជួញដូររូបិយប័ណ្ណគ្រីបតូ FPG រងការវាយប្រហារ តាមអ៊ីនធឺណិត ធ្វើឲ្យមានការខាតបង់ជិត 20 លានដុល្លារ
CamboSwap
2023-06-15
514 View
នៅថ្ងៃទី 15 ខែមិថុនា អ្នកនាំពាក្យរបស់វេទិកាជួញដូររូបិយប័ណ្ណគ្រីបតូតាមស្ថាប័ន Floating Point Group (FPG) បាននិយាយថា ខ្លួនត្រូវបានរងការវាយប្រហារដោយបណ្តាញមួយនៅថ្ងៃទី 11 ខែមិថុនា ហើយបានបាត់បង់រូបិយប័ណ្ណគ្រីបតូដែលមានតម្លៃចាប់ពី 15 ទៅ 20 លានដុល្លារ។ បើតាមរបាយការណ៏ពីមុនបានប្រាប់ថា FPG ធ្លាប់បានចាត់វិធានការសុវត្ថិភាព និងជួលសវនករខាងក្រៅដើម្បីធ្វើសវនកម្មសុវត្ថិភាពបណ្តាញជាបន្តបន្ទាប់ និងការធ្វើតេស្តការវាយប្រហារចូលនៅក្នុងខែធ្នូឆ្នាំមុន ហើយទទួលបានវិញ្ញាបនប័ត្រ SOC 2 ដោយជោគជ័យ។ បន្ទាប់ពីរកឃើញការរំលោភលើសុវត្ថិភាពភ្លាមវេទិកាជួញដូររូបិយប័ណ្ណគ្រីបតូ FPG បានបង្កកគណនីភាគីទីបីទាំងអស់ និងអនុវត្តវិធានការការពារលើកាបូបអតិថិជនទាំងអស់។ អ្នកនាំពាក្យ FPG បាននិយាយថា "ដោយមានការប្រុងប្រយ័ត្នច្រើន យើងបានបញ្ឈប់ប្រតិបត្តិការ ការដាក់ប្រាក់ និងការដកប្រាក់។ ហើយយើងកំពុងធ្វើការជាមួយ FBI, DHS, និយតករ និង Chainanalysis ដើម្បីស្វែងយល់ពីអ្វីដែលបានកើតឡើង និងទាមទារយកមកវិញនូវទ្រព្យសម្បត្តិដែលបាត់បង់"។
