CamboSwap News នៅថ្ងៃទី ៧ ខែកុម្ភៈ ឆ្នាំ២០២៥ គណៈកម្មការមូលបត្រអាមេរិក (SEC) កំពុងស្វែងរកការផ្តល់មតិយោបល់ជាសាធារណៈលើសំណើបំប្លែង Grayscale Litecoin Trust (LTCN) ទៅជាមូលនិធិជួញដូរក្នុងទីផ្សារ (ETF)។ យោងតាមរបាយការណ៍របស់ The Block កាលពីថ្ងៃព្រហស្បតិ៍ SEC បានទទួលស្គាល់ពាក្យស្នើសុំដែលដាក់ដោយក្រុមហ៊ុន NYSE Arca ក្នុងនាម Grayscale។ ទីភ្នាក់ងារនេះបានស្នើសុំមតិយោបល់សាធារណៈក្នុងរយៈពេល ២១ ថ្ងៃ គិតចាប់ពីថ្ងៃចុះផ្សាយនៅក្នុង Federal Register។ បន្ទាប់ពីការពិនិត្យពាក្យស្នើសុំ SEC មានជម្រើសបីគឺ៖ ១. អនុម័តយល់ព្រម ២. បដិសេធ ៣. ចាប់ផ្តើមដំណើរការពិនិត្យបន្ថែម NYSE Arca បានដាក់ឯកសារ 19b-4 កាលពីខែមុន ដើម្បីស្នើសុំបំប្លែងទាំង Grayscale Litecoin Trust និង Grayscale Solana Trust ទៅជា ETFs។ ឯកសារ 19b-4 នេះគឺជាផ្នែកទីពីរនៃដំណើរការពីរជំហានសម្រាប់ការស្នើសុំគ្រីបតូ ETF។ នៅពេល SEC បញ្ជាក់ទទួលយកឯកសារនេះ វានឹងត្រូវបានចុះផ្សាយក្នុង Federal Register ដែលជាការចាប់ផ្តើមដំណើរការពិនិត្យនិងអនុម័តរបស់ទីភ្នាក់ងារនេះជាផ្លូវការ។ ក្នុងរយៈពេលប៉ុន្មានសប្តាហ៍កន្លងមកនេះ ក្រុមហ៊ុនជាច្រើនបានដាក់សំណើសុំបង្កើតមូលនិធិផ្អែកលើ Dogecoin (DOGE) និងគ្រីបតូផ្សេងទៀត។ ការណ៍នេះបង្ហាញពីសេចក្តីសង្ឃឹមថា ការផ្លាស់ប្តូរនៅក្នុងថ្នាក់ដឹកនាំរបស់ SEC អាចនឹងមានភាពអនុគ្រោះចំពោះការអនុម័តលើគ្រីបតូ ETFs។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap